Эмне үчүн уюм түзүүгө туура келди?

«2016-жылынын август айында Москва шаарындагы басмаканада өрт чыгып, 17 адам, алардын ичинде кыргызстандык 14 мигрант кыз-келиндер курман болду. Бул трагедия Орусиядагы эмгек кылган Орто-Азиялык анын ичинде Кыргызстандык мигранттардын жашоосунан бизди кабардар кылды. Анын үстүнө эмгек миграцияга мажбур болгондор жана ал учурда кырсыктарга, жагымсыз жагдайлар менен көйгөйлөргө туш болгон кыз-келиндер көбүнчө убагында билим алуу мүмкүнчүлүгүнө ээ боло албай калгандар экени баарыбызга белгилүү. Мен бул окуяны жүрөгүмө абдан жакын алып, бир топ күн кайгырып, ойлонуп жүрдүм. Акыры бир нече санаалаштарым менен жолугушуп, алар менен чогуу уюм түзүүгө бел байладык. Анын алкагында Кыргызстандагы илим менен билимди көтөрүүнү, айрыкча кыз-келиндердин билим алышына салым кошууну, аны менен бирге алардын жашоосун башка нукка бурууга аз да болсо таасир берүүнү максат катары койдук. Анткени билим адамдын аң-сезимин кеңейтет, жөндөмдөрүн өнүктүрөт жана каражат табуунун жаңы мүмкүнчүлүктөрүн ачат.
Бүгүнкү күндө «Билим-Демилге-Кызматташтык» уюму эки жылда көптөгөн мүчөлөргө ээ болду, ар түрдүү кайрымдуулук долбоорлорун ийгиликтүү ишке ашырды, бир нече билим берүү программаларын түзүп баштады жана дүйнөнүн ар кайсыл тарабынан көтөрүлгөн жаңы демилгелерге колдоо көрсөтүүдө».

Асел Сайраан-Дамир

Безымянный-3

«BIZ» уюмунун негиздөөчүсү жана төрайымы

Уран Камчыбеков

Uran

«BIZ» уюмунун негиздөөчүсү
жана кеңешменин мүчөсү

Эмне үчүн демилге маанилүү?

«Биздин демилге – бул жакшы ишти жасоого түрткү болуу, жардам уюштуруу жана башкаларга колдоо көрсөтүү болуп саналат. Маселен, 2020-жылдын март айында пандемия Кыргызстанды каптаганда, мен дарыгер катары коронавирустун кесепети өлкөбүзгө өзгөчө катуу тийээрин алдын ала баамдагам. Анткени өлкөнүн бардык аймактарында эң керектүү дары-дармектер жана медициналык жабдуулар жетишсиз. Биз тезинен  «COVID-19 кризиси учурунда Кыргызстандагы медициналык системаны колдоо» демилгесин ишке киргиздик. Кайрылуу жарыя болоору менен көп адамдар колдоо көрсөтүп, бир айдын ичинде 9.876,53 евро чогулду. Бул каражатка кычкылтек концентраты, пульстук оксиметр сыяктуу бардык керектүү шаймандарды алып, аларга жууркан, кийим-кече, дары-дармектерди кошуп, тез арада Кыргызстанга жөнөттүк. Ал жерде биздин өнөктөшүбүз «Элим Барсыңбы?» кайрымдуулук уюмунун мүчөлөрү жабдууларды жети дубандын ооруканаларына жеткирип беришти. Дагы чогулган 1.721,32 еврого Бишкек кааласындагы номур 2и тез жардам борборуна үч кардиографиялык аппарат, үч кычкылтек концентрат жана тез жардам унаасына жетишпеген оокаттарды алып бердик. Андан тышкары бир компьютер менен бир принтер жугуштуу оорулар бейтапканасына тапшырылып берилди.
Бүгүн биз кайрымдуулук каражаттарын натыйжалуу пайдаланып, мекенибиздеги кризистик кырдаалга ыкчам жооп кайтара алдык деп сыймыктануу менен айта алабыз. Биз мындан ары да Кыргызстандын өнүгүшү үчүн жумшап жаткан күчүбүздү ар түрлүү демилгелер менен бириктиргибиз келет. Ошол эле учурда өлкөбүзгө жана элибизге пайда алып келген жана биздин максаттарга дал келген дүйнөнүн ар тарабынан келген бардык демилгелерге ачыкпыз жана аларды колдоого даярбыз».

Эмне үчүн билим-илимге көңүл буруу керек?

«Борбордук Азиядагы Кыргызстан сыяктуу өлкөлөрдө билим берүү кол жеткис кымбат товарга айланган. Билим берүү системасындагы негизги көйгөйлөр мугалимдердин эмгек акысынын төмөндүгү, алардын эмгек миграциясына мажбур болушу жана ошондой эле кеңири жайылган паракорлук. Мындан тышкары, айыл жергесинде мектеп жабдуулары талапка жооп бербейт, окуу куралдары жетишсиз. Билим берүү деңгээли төмөндөгөндөн төмөндөгөн. Ошол эле учурда, билим берүү системасы базарлаштыруу, менчиктештирүү жана элитаризмге дуушар болгон. Бир жагынан билим берүү системасындагы жетишпегендиктерди баасы асманды чапчыган жеке окуу жайлары аркылуу жапканга аракет кылса, анысы бай жана кедейдин ортосундагы ажырымды күчөтүүдө. Мындай көрүнүш постсоветтик Кыргызстанда социалдык-экономикалык теңсиздикти жогорку баскычтарга жеткирди.
Ушул себептерден улам биз билим берүү тармагын уюмубуздун негизги темасына айланттык. Аны менен биз жакырчылыкка каршы күрөшкүбүз келет. Анткени сапаттуу билим адамдын ар тараптуу өнүгүүсүнө, анын түшүнүгүнүн кеңейүүсүнө жана айлана-чөйрөнү аңдап билүүсүнө өбөлгө түзөт. Ошондуктан биз немис-кыргыз билим алмашуусун өркүндөтүүгө, тил программаларын жана кесиптик билим берүүнү өнүктүрүүгө, ошондой эле ар кандай жайкы мектептерди жана кыска мөөнөттүү курстарды ачууга багытталган ар кандай долбоорлорду ишке ашырууга аракет кылып жатабыз».

Kalygul Zhunushbekov

Kalygul

«BIZ» уюмунун төрайымынын орун басары

Данияр Матикан

DanijarMatikan

«BIZ» уюмунун негиздөөчүсү жана жана кеңешменин мүчөсү

Кызматташтыктын мааниси эмнеде?

«Биз чет өлкөдө жашап, иштеп жана отурукташып калганыбыз менен өзүбүздү Кыргызстандын атуулу жана кыргыз элинин бир бөлүгү катары кабыл алабыз. Ошондуктан кичи мекенибиздеги саясий өзгөрүүлөр, кыйынчылыктар жана көйгөйлөр бизге түздөн-түз таасир этет, бизди тынчсыздандырат. Жердештер баш кошкон жерде бурулган көңүлүбүз, сүйлөгөн сөзүбүз – ата-журтубуздун эртеңки тагдыры, мекенибиздин тынчтыгы жана эне тилибиздин өнүгүшү. 2021-жылдын апрел айынын аягында Кыргызстан менен Тажикстандын ортосунда кандуу кагылышуу болду: үйлөр, мектептер жана соода-сатык борборлору өрттөлдү, көп адамдар жаракат алды, жүздөгөн киши набыт болду, он миңдеген адам үйлөрүн таштоого мажбур болушту. Мындай учурда ар кимибизде «Мен эмне кылсам?» жана «Кантип мекениме, элиме жардам берсем?» деген суроо туулат. «BIZ» уюму так ушул суроолордон өз демилгесин баштайт жана маселени чечүү жолдорун издейт. Бул максатта коомдун мүчөлөрү Германиядагы бардык активисттерди жана башка немис-кыргыз коомдорун кызматташууга чакырат. Алар менен биргеликте ой-пикирлер топтолуп, жардам акциясы ишке кирет, тапшырмалар таратылып берилет, бардык күчтөрдүн кызматташуусуна өбөлгө түзүлөт. Баткен окуясы болгондо так ушундай таризде БИЗ уюму жардам-акциясын уюштуруп, чогулган каражатка Кореялык мекендештер жана өнөктөш «Элим Барсыңбы?» фонду менен бирге Баткен районундагы 9 мектепке 20 компьютер, 20 проектор, 20 доска жана 700 даана окуу китептерин алып берди. Бул биз үчүн күч бирдикте дегенди билдирет».

Биз жана биздин максатыбыз жөнүндө…

«Биз – «BIZ e.V» ассоциациясынын негиздөөчүлөрү жана мүчөлөрү – Кыргызстандан билим алууга жана иштөөгө келген, Германиянын ар кайсы федералдык жерлерин байырлаган жаш мигранттарбыз. Биз өзүбүздү тарбиялоо, өнүгүү жана жаңы перспективаларды ачуу мүмкүнчүлүктөрүнө ээбиз. Ошолордун негизинде биз Европага келип, билимибизди улантып, жашообузду куруп, ар кандай кесиптерди аркалап, жергиликтүү немис коомунун туруктуу мүчөлөрүнө айландык. Ошол эле учурда биздин эмоционалдык, руханий жана маданий жактан киндик кан тамган жерибиз менен байланышыбыз тыгыз. Кыргызстан биз үчүн асман тиреген тоолордун, көк кашка суулардын, жыты аңкыган жайыттардын мекени. Барган конок кең пейилдүү адамдарды, шаан-шөкөттүү тойлорду кеп кылып келет. Кыргызстан – көчмөн тарых менен ислам маданияты жана социализмин мурасы кездешкен жер. Тилекке каршы өлкөбүз ар кандай саясий туруксуздуктун негизинде «демократиянын аралы» деген атка татыктуу боло албады. Ошондуктан өлкөбүздөгү ар кандай кыйынчылыктарга биз алган билимибиздин жана ээ болгон мүмкүнчүлүгүбүздүн негизинде жооп кайтаргыбыз келет. Биз жеке жана кесиптик тажрыйбабызды бириктирип, колубуздан келген иш-чаралар аркылуу билим берүү, саламаттыкты сактоо жана айлана чөйрөнү коргоо тармактарында салым кошууга бел байладык. БИЗ менен бирге болуңуздар!»

Др. Махабат Садырбек

photo_2022-01-08_15-21-33

«BIZ» уюмунун негиздөөчүсү жана ардактуу төрайымы

УЮМДУН ЖЕТЕКЧИЛИГИ

УЮМДУН ТӨРАЙЫМЫ: Асел Сайраан-Дамир (кесиби б/ча дарыгер)
ТӨРАЙЫМДЫН ОРУН БАСАРЫ: Калыгул Жунушбеков (финансы текшерүүчү)
КАЗЫНАЧЫ: Айканыш Атаканова (бухгалтер)
КАТЧЫ: Мунара Азимбекова (студент)
УЮМДУН АРДАКТУУ ТӨРАЙЫМЫ: Др. Махабат Садырбек (юрист-антрополог)

КЕҢЕШМЕ МҮЧӨЛӨРҮ:
Данияр Матикан (GIZте офис менежер)
Нургазы Сулайманов (дата сайентист)
Уран Камчыбеков (дарыгер)
Баатыр Алымкулов (ПиАр вебедитор)

УЮМДУН ЖИГЕРДҮҮ МҮЧӨЛӨРҮ ЖАНА ДОЛБООР ЖЕТЕКЧИЛЕРИ:
Ак-Бермет Богачиева (IT адиси)
Касиет Асекова (дарыгер)
Канат Ишенбек (инженер)
Азамат Токтакунов (IT адиси)

БИЗДИН ӨНӨКТӨШТӨР

«ЭЛИМ БАРСЫҢБЫ?» КАЙРЫМДУУЛУК ФОНДУ
Дареги: https://www.elimbar.kg
Долбоор ишке ашуучу жер:
Кыргызстан
Кызматташтыктын түрү: Кайрымдуулук долбоорлору («Пандемияга каршы күрөштө колдоо акциясы» жана «Баткенге жардам»)

РОЗА ОТУМБАЕВАНЫН ДЕМИЛГЕСИ
Дареги: https://roza.kg
Долбоор ишке ашуучу жер:
Кыргызстан
Кызматташтыктын түрү:
Билим берүү долбоорлору

ЖЫЛДЫЗ АКАДЕМИЯСЫ
Дареги:
http://jyldyz.com/
Долбоор ишке ашуучу жер:
Кыргызстан
Кызматташтыктын түрү:
Билим берүү долбоорлору (М: «Чырак»)

ЧӨЙРӨ
Дареги: http://choyro.com
Долбоор ишке ашуучу жер:
бардык жер
Кызматташтыктын түрү:
Иш-чаралар жана билим берүү долбоорлору

КЫРГЫЗ-НЕМИС МАДАНИЙ КООМУ
Дареги: https://www.dkk-verein.com
Долбоор ишке ашуучу жер:
Германия
Кызматташтыктын түрү:
Маданий иш-чаралар, адабий кечелер, лекциялардын сабы ж.б.

КЫРГЫЗСТАНГА КӨПҮРӨ
Дареги:
https://www.kyrgyzbridge.com
Долбоор ишке ашуучу жер:
Германия/Швейцария/Кыргызстан
Кызматташтыктын түрү: 
Маданий иш-чаралар жана кайрымдуулук долбоорлору (биргеликте «IT-Classsica» кайрымдуулук концертине колдоо)

ГЕРМАНИЯДАГЫ КЫРГЫЗ РЕСПУБЛИКАСЫНЫН ЭЛЧИЛИГИ
Дареги:
Otto-Suhr-Allee 146 10585 Berlin
Долбоор ишке ашуучу жер: Германия/Кыргызстан
Кызматташтыктын түрү: Маданий иш-чаралар

МЕН ДАГЫ КОШУЛАМ
Дареги:
https://ich-bin-dabei.net
Долбоор ишке ашуучу жер:
Германия
Кызматташтыктын түрү: Маданий иш-чаралар

ИЧ-АРА МАДАНИЙ КОМПЕТЕНЦИЯ ЖАНА ИНТЕГРАЦИЯ
Дареги: https://de-de.facebook.com/pg/IKIbadnauheim/posts/?ref=page_internal
Долбоор ишке ашуучу жер: Германия
Кызматташтыктын түрү: Маданий иш-чаралар

PUNGGYEONG ДҮЙНӨЛҮК МАДАНИЙ МУРАСТАРЫ
Дареги:
https://www.punggyeong.org
Долбоор ишке ашуучу жер: Германия
Кызматташтыктын түрү: Маданий иш-чаралар

KAV Hessen e. V. – КОММУНАЛДЫК ИШ-БЕРҮҮ БИРИКМЕСИ
Дареги: https://www.kav-hessen.de/site/kav-hessen/navl/startseite
Долбоор ишке ашуучу жер: Германия
Кызматташтыктын түрү: Маданий иш-чаралар

DARUNE – НЕМИС-АРАБ МАДАНИЙ ҮЙҮ
Дареги: https://daruna.de
Долбоор ишке ашуучу жер: Германия
Кызматташтыктын түрү: Маданий иш-чаралар